Նվիրապետական Աթոռներ

Այց Նառլըգաբուի Ս. Յովհաննէս Եկեղեցի

Ն.Ա.Տ. Սահակ Բ. Պատրիարք Հայրը, 18 Հոկտեմբեր 2020, Կիրակի նախագահեց Նառլըգաբուի Ս. Յովհաննէս Եկեղեցւոյ մատաղօրհնութեան ու իր պատգամը փոխանցեց ներկաներուն:

Վազգէն Վարդանօղլուի գլխաւորած թաղային խորհուրդը եւ եկեղեցւոյ երէց` Արժ. Տ. Անդրէաս Աւ. Քհնյ. Յակոբեան հիւրընկալեցին Նորին Ամենապատուութիւնը:

Ներկայ եղան նաեւ՝ Արժ. Տ. Տ. Զօհրապ եւ Շիրվան Քահանայ Հայրերը։ Արարողութեան իրենց մասնակցութիւնը բերին՝ Սամաթիոյ Ս. Գէորգ Եկեղեցւոյ բարեկրօն կիսասարկաւագները, եկեղեցւոյ սպասաւորներն ու դպիրները, իսկ Ս. Պատարագի երգեցողութիւնները կատարուեցան՝ Սեւան Ակօշեանի առաջնորդութեամբ Սահակեան Դպրաց Դասու անդամներու կողմէ։

Արարողութեան աւարտին յիշատակուեցան եկեղեցւոյ բարերարները:

Place for supporters
& advertisement