Նվիրապետական Աթոռներ

ՀԱՆԳԻՍՏ ՀՈԳԵՇՆՈՐՀ Տ. ՀԱՄԲԱՐՁՈՒՄ ՎՐԴ. ՔԷՇԻՇԵԱՆԻ

Սրբոց Յակոբեանց Միաբանութիւնը եւ Ամենապատիւ Տ. Նուրհան Արք. Մանուկեան Պատրիարք Սրբազան Հայրը սրտի խոր կսկիծով կը գուժեն անակնկալ մահը Ս. Աթոռոյս միաբաններէն Հոգշ. Տ. Համբարձում Վրդ. Քէշիշեանի, որ տեղի ունեցաւ Կիրակի, 10 Մարտ, 2019-ին, իր բնակարանի մէջ:

Լուսահոգի Տ. Համբարձում Վրդ. Քէշիշեան ծնած էր Պէյրութ՝ 1958-ին:
1972-1978 տարիներուն ուսանած էր Պատրիարքութեանս Ժառանգաւորաց Վարժարանի եւ Ընծայարանի մէջ:
1978-ին ձեռամբ՝ Գերշ. Տ. Շահէ Արք. Աճէմեանի ձեռնադրուած էր Սարկաւագ:
1979-ի Յունուարին ձեռամբ՝ Գերշ. Տ. Տիրայր Արք. Մարտիկեանի ձեռնարդուած էր կուսակրօն աբեղայ:
1984-ին ստացած էր մասնաւոր վարդապետութեան աստիճան:
Իր բազմամեայ ծառայութեան ընթացքին լուսահոգի Հայր Սուրբը եղած էր գաւազանկիր, Ս. Աթոռոյս մատակարար, Ս. Աթոռոյս Աւագ Թարգման: Քանիցս ընտրուած էր Տնօրէն Ժողովի անդամ:

Երեքշաբթի, 12 Մարտ, 2019-ին յետ Երեկոյեան ժամերգութեան Սրբոց Յակոբեանց Մայր Տաճարին մէջ պիտի կատարուի հանգուցեալ Հայր Սուրբի Տան Կարգը, իսկ

Չորեքշաբթի, 13 Մարտ, 2019-ին, առաւօտեան ժամը 9-ին Ս. Յակոբեանց Մայր Տաճարին մէջ պիտի մատուցուի Սուրբ եւ Անմահ Պատարագ, որու ընթացքին պիտի կատարուի Հայր Սուրբի Վերջին Օծումը: Լուսահոգի Հայր Սուրբին մարմինը պիտի ամփոփուի Ս. Փրկչի միաբանական գերեզմանատան մէջ:
«Յիշեսցէ Տէր զհոգի ծառային Իւրոյ եւ հանգուսցէ զնա ի լոյս երեսաց Աստուածութեան Իւրոյ. ամէն»:

Place for supporters
& advertisement