Թեմեր և Պատվիրակություններ

ՆՈՐ ԱՌԱՋՆՈՐԴԻ ԸՆՏՐՈՒԹԻՒՆ ԵՒ ՎԱՒԵՐԱՑՈՒՄ

Հայաստանեայց Առաքելական Սուրբ Եկեղեցւոյ Ֆրանսայի Թեմական Պատգամաւորական Ժողովը եւ Թեմական Խորհուրդը այսու ուրախութեամբ կը ծանուցանէ թէ՝ տարւոյս Փետրուար 12-ին Իսի-լէ-Մուլինոի Սուրբ Մարիամ Աստուածածին եկեղեցւոյ «Նուրհան Ֆրէնկեան» սրահին մեջ Պատգամաւորական ժողով գումարուեցաւ, որու ընթացքին Հոգեշնորհ Տէր Գրիգոր Վարդապետ Խաչատրեանը ընտրուեցաւ Ֆրանսայի Հայոց Թեմի Առաջնորդ։
Ն.Ս.Օ.Տ.Տ Գարեգին Բ Ծայրագոյն Պատրիարք եւ Ամենայն Հայոց Կաթողիկոսը՝ Փետրուար 22-ի Հայրապետական Օրհնութեամբ եւ տնօրինութեամբ վաւերացուցած է Հոգեշնորհ Տէր Գրիգոր Վարդապետ Խաչատրեանը, որպէս Ֆրանսայի Հայոց Թեմի Առաջնորդ։
Նկատի առնելով Փարիզի առաջնորդանիստ Սուրբ Յովհաննէս Մկրտիչ Մայր եկեղեցւոյ նորոգութեան աշխատանքները, գահակալութեան արարողութեան թուականը կը հաղորդուի աւելի ուշ։
ՀԱՂՈՐԴԱԳՐՈՒԹԻՒՆ
ՀԱՅ ԱՌԱՔԵԼԱԿԱՆ ԵԿԵՂԵՑՒՈՅ ՖՐԱՆՍԱՅԻ ԹԵՄԻ
Փարիզ, 23 Փետրուար 2022
Place for supporters
& advertisement