Նվիրապետական Աթոռներ

Արամ Ա. Կաթողիկոս հովուապետական այցելութեամբ մեկնեցաւ ԱՄԷ

Ընդառաջելով Արաբական Միացեալ Էմիրութիւններու եւ Քաթարի Թեմի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեանին եւ Ազգային Իշխանութեան հրաւէրին, մայիս 5-ի առաւօտ, Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոս մեկնեցաւ Ա.Մ. Էմիրութիւններ։
Հովուապետական այցելութեան ծիրէն ներս, Վեհափառ Հայրապետը իր պատգամը պիտի ուղղէ ժողովուրդին Ապու Տապիի Ս. Նահատակաց եւ Շարժայի Ս. Գրիգոր Լուսաւորիչ եկեղեցիներուն մէջ։ Բացումը պիտի կատարէ Ապու Տապիի Ս. Նահատակաց Եկեղեցւոյ համալիրէն ներս, «Արա Խանոյեան» Ազգային Վարժարանին եւ «Սուրէն Գոժագեան» սրահին։ Հանդիպումներ պիտի ունենայ թեմական մարմիններու, ինչպէս նաեւ պետական պատասխանատուներու հետ, ներկայ պիտի գտնուի իր Կաթողիկոսական ընտրութեան եւ օծման 20 ամեակին նուիրուած ձեռնարկին։

4-1024x683Յիշեալ այցելութեան ընթացքին Վեհափառ Հայրապետին պիտի ընկերանան Դպրեվանքի տեսուչ՝ Հոգշ. Տ. Թորգոմ Վրդ. Տօնոյեան եւ Լսատեսողական Բաժանմունքի վարիչ՝ Հոգշ. Տ. Պետրոս Վրդ. Մանուէլեան։

Հինգշաբթի, 5 Մայիս 2016-ի երեկոյեան,  Արամ Ա. Վեհափառ Հայրապետը ժամանեց Մ.Ա. Էմիրութեանց մայրաքաղաք՝ Ապու Տապի։ Նորին Սրբութիւնը դիմաւորելու համար օդակայան եկած էին Թեմի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեանը, Լիբանանի եւ Հայաստանի հանրապետութեանց դեսպանները, ազգային երեսփոխաններ եւ ազգային վարչութեանց ներկայացուցիչները։

Ապա, Վեհափառ Հայրապետը այցելեց նորակառոյց Ազգային Առաջնորդարանի համալիրը եւ Սրբոց Նահատակաց Մայր Եկեղեցւոյ մէջ կատարեց կանոնական աղօթք։

Աւելի ուշ, Առաջնորդարանի դահլիճին մէջ Նորին Սրբութիւնը հանդիպում ունեցաւ Կաթողիկոսական Փոխանորդին եւ ազգային պատասխանատուներուն հետ, խօսելով Թեմին հետ առնչութիւն ունեցող շարք մը կատարուելիք իրագործումներու մասին։

Դիտել սկզբնաղբյուրը
Place for supporters
& advertisement