Նվիրապետական Աթոռներ

Միաբանական հաւաք Անթիլիասի մայրավանքին մէջ

Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսի Ամերիկայի Միացեալ Նահանգներու եւ Գանատայի տուած հայրապետական այցելութեան վերադարձին, վանաբնակ միաբան հայրերու հաւաք տեղի ունեցաւ Վեհարանի դահլիճին մէջ։
 
Վեհափառ Հայրապետը իր գնահատանքը յայտնեց բոլոր միաբաններուն, որոնք իրենց պաշտօններն ու պարտականութիւնները կը կատարեն բծախնդրութեամբ եւ իրենց ներդրումը կը բերեն Կաթողիկոսարանի առաքելութեան։
 
Ապա, հայրապետական այցելութեան Նորին Սրբութեան իբր գաւազանակիր ընկերացած Հոգշ. Տ. Պետրոս Վրդ. Մանուէլեան մանրամասնօրէն խօսեցաւ այցելութեան մասին եւ իր փորձառութիւնը կիսեց միաբան հայրերուն հետ։
 
Արեւելեան Ուղղափառ Եկեղեցիներու եւ Անկլիգան Եկեղեցւոյ աստուածաբանական պաշտօնական երկխօսութեան յանձնախումբը, Անթիլիասի մէջ պիտի գումարէ իր տարեկան ժողովը, 24-29 Հոկտեմբեր 2016-ին։ Կաթողիկոսարանի Միջ-եկեղեցական յարաբերութեանց բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեան զեկոյց տուաւ տեղի ունենալիք ժողովին եւ օրակարգերուն մասին։
Դիտել սկզբնաղբյուրը
Place for supporters
& advertisement