Նվիրապետական Աթոռներ

Այցելութիւն Երիքով

21 Յունուար, 2018-ին, առաւօտեան ժամը 9-ին, Սուրբ Աթոռոյս Գահակալ՝ Ամենապատաիւ Տ. Նուրհան Արքեպիսկոպոս Մանուկեան Պատրիարք Սրբազան Հայր, ընկերակցութեամբ՝ Լուսարարապետ՝ Տ. Սեւան Արք. Ղարիպեանի, Աւագ Թարգման՝ Տ. Համբարձում Վրդ. Քէշիշեանի, Գաւազանակիր և քարտուղար՝ Տ. Ներսեհ Աբղ. Ալոյեանի, Կալուածոց Տեսուչ՝ Տ. Պարետ Ծ. Վրդ. Երէցեանի, Ելեւմտից Դիւանի Տեսուչ՝ Տ. Սամուէլ Վրդ. Աղոյեանի և Տ. Գեղամ Ծ. Վրդ. Զաքարեանի, առաջին անգամ ըլլալով այցելեին աշխարհի ամենահին քաղաք՝ Երիքովի քաղաքապետարան և հանիդպում ունեցան քաղաքապետ՝ Մեծայարգ Տիարք Սալեմ Ղրուֆի եւ կառավարիչ՝ Մաժիդ Ալ-Ֆիտանիի հետ:

Պատրիարք Սրբազան և հոգեւոր հայրեր քաղաքապետարանին առջեւ նախ դիմաւորուեցան Երիքովի սպայական կազմին կողմէ եւ ապա քաղաքապետարանի ողջ աշխատակիցներուն հետ ձեռնուելէ ետք հրաւիրուեցան քաղաքապետարանի դահլիճ: Իր խօսքին մէջ Երիքովի կառավարիչ՝ Տիար Մաժիդ Ալ-Ֆիտանի, յայտնեց իր ուրախութիւնը Երուսաղէմի Հայ Պատրիարքի առաջին անգամ կատարած այցին համար եւ յոյս յայտնեց, որ այն շարունակական պիտի ըլլայ: Ապա Պատրիարք Սրբազան Հայրը շնորհակալութիւն յայտնեց ջերմ ընդունելութեան ու հիւրասիրութեան համար և ապա յաջորդ տարի դարձեալ տեսնուելու յոյսով հրաժեշտ տուաւ Երիքովի քաղաքապետին եւ կառավարիչին: Հանդիպման վերջաւորութեան քաղաքապետարանին առջեւ Հայոց պատուիրակութիւնը խմբանկարուեցաւ քաղաքապետին եւ կառավարիչին հետ:

Հանդիպումէն յետոյ Պատրիարք Սրբազան Հօր գլխաւորաց պատուիրակութեան միացան նաեւ ողջ Միաբանութիւնը, Ժառանգաւոր սաներ եւ ուխտաւորներ, որոնք ուղղուեցան դէպի Յորդանան գետ, ուր տեղի ունեցաւ տարեկան Ջրօրհնեաց արարողութիւնը: Հորդանանեան կողմէ գետափ եկած էին Յորդանանահայոց առաջնորդ՝ Տ. Աւետիս Ծ. Վրդ. Իփրաճեան իր գաղութի հաւատացեալներու հետ միասին:

Place for supporters
& advertisement